لسلام عليكم ورحمة الله وبركاتة
عاوزة اقولكوا وصفة دجاج كنتاكى
الطريقة
نقطع الفرخة على اربع قطع ونحضر التتبيلة وهية (كركم-زعتر-بهار فراخ-فلفل اسود-ملح ابيض- لمونة -ثوم)ونخلطهم مع بعض ونتبل بيهم الفراخ ونترك الفراخ لمدة 5ساعات او اكتر لو تقدرى وبعدين تحضرى الحلة اللى هتسلقى فيها الفراخ وتحطى فيها شوية ماية مش كتير زى الفراخ العادية وتحطى فيها الفرخة بحيث المية متغطيش الفرخة وتضعيها على النار لحد ما تستوة كالعادى
طلعى الفراخ من الشوربة واتركيها لحد ما تبرد خالص وحضرى الخالطة للتحمير وهية (معلقة بودر+معلقة نشا +4معلقة دقيق+بيضة +ذرة ملح )واضربى الخليط فى بعضة وتبلى الفراخ بعد ما تبرد وحطيها فى الفريزر لمدة ساعة
وحضرى زيت غزير للقلية وابتدى اقلى الفراخ لحد ما تتديكى اللون الدهبى
وبالهنا والشفا
ماتنسوش لما تكلوا الفراخ تدعولى وتدعوا على الفكرة
نسيت اقولكم حاجة ممكن الطريقة دية للفراخ البانية كمان
موضوع: سر خلطة دجاج كنتاكى حاجة خصوصى كدة 
الخميس فبراير 11, 2010 10:13 pm
